اسلام آباد (مانیٹرنگ ڈیسک) ایس ای سی پی میں شریف فیملی کے ریکارڈ میں تبدیلی کی تحقیقات کیلئے جے آئی ٹی شکایات پر سپریم کورٹ نے تحقیقاتی کمیٹی تشکیل دیدی۔ تفصیلات کے مطابق جے آئی ٹی کی جانب سے سکیورٹی ایکسچینج کمیشن میں شریف خاندان کے ریکارڈ میں تبدیلی کے خلاف شکایت کی سماعت

کرتے ہوئے سپریم کورٹ نے تحقیقات کیلئے 4رکنی تحقیقاتی کمیٹی تشکیل دیدی ہے۔کمیٹی کی تشکیل کا باقاعدہ نوٹیفکیشن جاری کر دیا گیا ہے جبکہ کمیٹی کے سربراہ ڈائریکٹر اینٹی کرپشن ونگ ہیڈکوارٹر مقصود الحسن ہونگے، کمیٹی کے دیگر ممبران میں ڈپٹی ڈائریکٹر ایاز خان، طاہر تنویر اور فاروق لطیف شامل ہیں۔

موضوعات:پانامہ جے آئی ٹی سپریم کورٹ سکیورٹی ایکسچینج کمیشن شریف فیملی ریکارڈ