کراچی (این این آئی) عید الفطرپرسرکاری ملازمین کے ڈبل مزے ہوگئے ، عید پرایڈوانس تنخواہ اور عید کی تین چھٹیوں کے ساتھ دوعام تعطیلات نے مزا دوبالا کردیا۔ عید کی پانچ چھٹیاں اپنے آبائی علاقے میں منانے کے لیے ہزاروں ملازمین کراچی سے اندرون سندھ روانہ ہوگئے۔ حکومت کی جانب سے عید الفطرپر چھبیس سے اٹھائیس جون تک تین چھٹیوں کا اعلان کیا گیا ہے
جبکہ ہفتہ اوراتوارکی تعطیل کوملاکرسرکاری ملازمین کو عید الفطرپرپانچ چھٹیاں مل گئی ہیں ۔ اس صورتحال کے پیش نظر کراچی میں سندھ سیکریٹریٹ ، پاکستان سیکریٹریٹ سمیت دیگرسرکاری اداروں میں کام کرنے والے ہزاروں سرکاری ملازمین عید کی ایڈوانس تنخواہ وصول کرنے کے بعد جمعہ تیئس جون کواپنے اپنے آبائی علاقوں کوروانہ ہوگئے ہفتہ چوبیس اوراتوارپچیس جون کوعام تعطیل ہے
