لاہور (نیوز ڈیسک) لاہور ہائیکورٹ بار کے اجلاس کے دوران وکلاءنے وزیراعظم کے حق میں نعرے بازی کرنے والے نامعلوم شخص پر تھپڑوں کی بارش کر دی۔ نجی ٹی وی کے مطابق لاہور ہائیکورٹ بار میں وکلاءکا ہفتہ وار احتجاج ہوا اور اجلاس جاری تھا کہ اچانک اجلاس کے دوران نامعلوم شخص نے وزیراعظم
کے حق میں نعرے بازی شروع کر دی۔ دوران اجلاس نعرے بازی کرنے والے سول نا معلوم شخص پر وکلاءنے آﺅ دیکھا نہ تاﺅ اور تھپڑوں کی بارش کر دی تاہم بعد میں وکلاءنامعلوم شخص کی شناخت کے لئے سکیورٹی روم لے گئے۔ واضح رہے کہ وکلاءہر جمعرات کو وزیراعظم کیخلاف یوم سیاہ مناتے ہیں۔
