اسلام آباد (نیوز ڈیسک) پاکستان تحریک انصاف کے بانی رکن اکبر ایس بابر کا کہنا ہے کہ عمران خان حسنی مبارک سے بھی دو ہاتھ آگے نکل گئے ہیں۔ تفصیلات کے مطابق الیکشن کمیشن میں عمران خان کیخلاف دائر درخواست کی سماعت کے بعد میڈیا سے گفتگو کرتے ہوئے اکبر ایس بابر کا کہنا تھا کہ الیکشن کمیشن نے فیصلہ دیا کہ میں پی ٹی آئی کارکن ہوں۔ تحریک انصاف ہمارے خون پسینے کی جماعت ہے۔

تحریک انصاف میں حالیہ انٹرا پارٹی انتخابات جعلی تھے۔ ان کا کہنا تھا کہ عمران خان نے 2013 میں ٹکٹوں کی بندر بانٹ کی۔ عمران خان عدالتوں سے کیوں بھاگ رہے ہیں۔ عمران خان سپریم کورٹ آتے ہیں الیکشن کمیشن نہیں آتے، عمران خان حسنی مبارک سے بھی دو ہاتھ آگے نکل گئے ہیں۔

موضوعات:عمران خان