لاہور( آن لائن) فیکٹری ایریا کے علاقے میں بیٹے نے نشے کے لئے پیسے نہ ملنے پر چچا اور ایک کزن کے ساتھ مل کر ماں کو چھریوں کے وار کرکے قتل کردیا۔واقعہ کے بعد ملزمان موقع سے فرار ہوگئے۔پولیس نے لاش پوسٹ مارٹم کے لئے مردہ خانے منتقل کر کے کارروائی شروع کر دی۔تفصیلات کے مطابق فیکٹری ایریا کے علاقہ ملک چوک کی رہائشی 40سالہ خاتون کوثر کو شوہر بیرون ملک مقیم ہے۔

کوثر اپنے بچوں کے ہمراہ رہ رہی تھی جبکہ اسکا دیور شہزاد بھی اسی گھر میں رہتا تھا۔چند روز قبل کوثر کے شوہر نے گھریلو خرچے کے لئے رقم بھیجی تھی،کوثر کا بیٹا توصیف نشے کا عادی ہے،جبکہ اسکا چچا شہزاد اور ایک کزن اظہر بھی نشہ کرتے تھے،گزشتہ روز توصیف نے ماں سے پیسے مانگے مگر اسکی والدہ نے پیسے دینے سے انکار کردیا،جس پر توصیف نے اپنے چچا اور کزن کے ساتھ مل کر چھریوں کے وار کرکے اپنی والدہ کو قتل کردیا،جس کے بعد ملزمان موقع سے فرار ہوگئے۔اطلاع ملنے پر پولیس اور فرانزک لیب ٹیم موقع پر پہنچ گئی ۔فرانزک ماہرین نے جائے وقوعہ سے فنگر پرنٹس اور دیگر شواہد حاصل کرکے تفتیش شروع کردی ہے جبکہ پولیس نے مقتولہ کی لاش پوسٹ مارٹم کے لیے مردہ خانے جمع کروادی ہے۔پولیس کے مطابق واقعہ کا مقدمہ مقتولہ کے بھائی امتیاز کے بیان پر درج کیا گیا ہے ملزمان کی گرفتاری کے لئے چھاپوں کا سلسلہ جاری ہے جلد ہی ملزمان کو گرفتار کرلیا جائے گا۔مقتولہ 7 بچوں کی ماں تھی۔جبکہ پولیس نے مقتولہ کی لاش پوسٹ مارٹم کے لیے مردہ خانے جمع کروادی ہے۔پولیس کے مطابق واقعہ کا مقدمہ مقتولہ کے بھائی امتیاز کے بیان پر درج کیا گیا ہے ملزمان کی گرفتاری کے لئے چھاپوں کا سلسلہ جاری ہے جلد ہی ملزمان کو گرفتار کرلیا جائے گا۔مقتولہ 7 بچوں کی ماں تھی۔