کوئٹہ (مانیٹرنگ ڈیسک)احتساب عدالت نے بلوچستان میگا کرپشن کیس کے مرکزی ملزم سابق صوبائی سیکرٹری خزانہ مشتاق رئیسانی کی پلی بارگین کی درخواست اعتراض لگا کر واپس کر دی۔
ایک نجی ٹی و ی کے مطابق نیب نے بلوچستان میگا کرپشن کیس کے مرکزی ملزم مشتاق رئیسانی کی پلی بارگین کی منظوری کیلئے درخواست احتساب عدالت میں جمع کرائی تھی۔درخواست پر عدالت نے نیب کے وکیل اور میگا کرپشن کے تحقیقاتی افسر کو طلب کیا تھا ۔
احتساب عدالت کے جج عبدالمجید ناصر نے نیب کے وکیل اور مقدمے کے تحقیقاتی افسر کا مؤقف سننے کے بعد پلی بارگین کی درخواست پر اعتراض لگا کر واپس کر دی واضح رہے کہ مشتاق رئیسانی اور ٹھیکیدار سہیل مجید شاہ نے نیب کو پلی بارگین کی دراخوست دی تھی جسے نیب نے منظور کر لیا تھا۔
