ریاض (مانیٹرنگ ڈیسک) شہیدوں کے خانوادہ پاکستان کے ہر دلعزیز سابق آرمی چیف جنرل (ر) راحیل شریف ان دنوں سعودی عرب موجود ہیں۔تفصیلات کے مطابق جنرل (ر) راحیل شریف نے عمرہ بھی ادا کیا۔ راحیل شریف کا ریٹائرمنٹ کے بعد یہ پہلا غیر ملکی دورہ ہے ، اس دوران انہیں سعودی حکومت کی جانب سے مکمل پروٹوکول دیا گیا۔
سابق آرمی چیف سعودی عرب پہنچنے پرمسجد نبوی ﷺگئے جہاں انہوں نے نوافل اداکیے اور روضہ رسول ﷺ پرحاضری دی اوروہاں پاکستان اور پاکستانی عوام کیلئے دعا کی ۔ سعودی عرب دورے کے دوران راحیل شریف کا سعودی شاہ سلمان اور وزیر دفاع سمیت دیگر شخصیات سے ملاقاتوں کا بھی امکان ہے۔
