لاہور(آئی این پی) پیپلزپارٹی کے سیکرٹری جنرل سردار لطیف خان کھوسہ نے 2017کو الیکشن کا سال قرار دیتے ہوئے کہا ہے کہ (ن) لیگی حکومت آئینی مدت پوری نہیں کر یگی کیونکہ (ن) لیگ خود اب اقتدار سے جانا چاہتی ہے ‘پیپلزپارٹی لانگ مار چ کی بھر پور تیاریاں کر رہی ہیں جلد حتمی تاریخ کا اعلان کر دیا جائیگا ۔
اپنے ایک انٹر ویو میں سردار لطیف خان کھوسہ نے کہا کہ (ن) لیگ کی حکومت صرف ناکام نہیں ہوئی بلکہ ناکامیوں کے ریکارڈ قائم کر رہی ہے اور ان نااہل اور عوام دشمن حکمرانوں کو مزید اقتدار میں رہنا کسی بھی صورت ملک اور قوم کے مفاد میں نہیں ۔
ایک سوال کے جواب میں سردار لطیف خان کھوسہ نے کہا کہ موجودہ سال ہی ملک میں عام انتخابات کا سال ہوگا اور پیپلزپارٹی بلاول بھٹو کی قیادت میں (ن) لیگ کے خلاف پار لیمنٹ اور سڑکوں سمیت دیگر فورمز پر آواز بلند کر یں گی اور سیاسی لانگ مارچ بھی ضرور ہوگا ۔