گوجرانوالہ (این این آئی)گوجرانوالہ میں چلہ کاٹنے کیلئے بچے کو اغواء کر نے والا جعلی عامل پکڑا گیا ۔میڈیارپورٹ کے مطابق پولیس نے گوجرانوالہ میں قبر میں چلہ کاٹنے کیلئے بچے کو اغواء کرنے والے جعلی عامل کو گرفتار کر تے ہوئے بچے کو بازیاب کرالیا پولیس حکام نے بتایا کہ ملزم جعلی عامل ہے جس نے کامل پیر بننے کیلئے بچے کو اغواء کیا اور اس نے بچے کے ساتھ قبر میں بیٹھ کر 3ماہ چلہ کرنا تھا تاہم اسے گرفتار کر لیا گیا ہے اور مزید تفتیش شروع کر دی گئی ۔پولیس کے مطابق ملزم نے بچے کو چند روز قبل اغواء کیا جس کے بعد اس کے والدین نے رپورٹ درج کرائی تھی جس پر کارروائی کرتے ہوئے بچے کو بازیاب کرا کے والدین کے سپرد کر دیا گیا۔