لاہور (مانیٹرنگ ڈیسک) تازہ ترین میڈیا رپورٹس کے مطابق لاہور سے اسلام آبادآنے والی پی آئی اے کی فلائٹ کا انجن فیل ہو گیا اور میڈیا رپورٹس کے مطابق اس فلائٹ میں مسافروں سمیت قومی اسمبلی کے اسپیکر ایاز صادق بھی سوار تھے ۔
واضح رہے کہ گزشتہ چند ہفتوں سے پی آئی اے کے طیاروں کے کبھی لینڈنگ گئیر ٹوٹ جاتے ہیں تو کبھی ہائیڈرولک پائپ پھٹنے کی وجہ سے پرواز کو ملتوی کر دیا جاتا ہے اور لاہور سے اسلام آباد جانے والی پی آئی اے کے اے ٹی آر طیارے کا روانگی سے چند منٹ قبل ہی انجن ہی فیل ہو گیا۔
پی آئی اے کے جہاز میں سوار ایاز صادق طیارے کے انجن کی خرابی کے بعد موٹر وے سے ہی روانہ ہو گئے۔ پی آئی اے انتظامیہ نے طیارہ استعمال کے قابل نہ ہونے پر مسافروں کو گھر بھجوا دیا۔ خیال رہے کہ مذکورہ طیارے کو پی آئی اے انتظامیہ نے ٹیسٹ کے بعد کلئیر قرار دیا تھا۔

موضوعات:ایاز صادق پی آئی اے