اسلام آباد(آئی این پی) وزیر داخلہ چوہدر ی نثار علی خان نے ڈاکٹر عاصم حسین اور ماڈل ایان علی کے کیس سے متعلق وضاحت کرتے ہوئے کہا ہے کہ ڈاکٹر عاصم کا کیس جنہوں نے بنایا ان کے خلاف کسی کو بولنے کی جرات نہیں ‘ ایان علی کا نام وزارت خزانہ اور ایف بی آر کی سفارش پر ای سی ایل میں ڈال رکھا ہے۔

ہفتہ کو اپنی پریس کانفرنس کے دوران چوہدری نثار نے واضح کیا کہ جب ڈاکٹر عاصم کو گرفتار کیا گیا تو اس وقتمیں لندن میں تھا اور ڈی جی رینجرز کو ٹیلی فون کر کے ان سے اس حوالے سے بات کی ۔انہوں نے کہا کہ ڈاکٹر عاصم کے معاملہ پر وزیر اعظم نواز شریف اور اس وقت کے آرمی چیف جنرل راحیل شریف سے بھی بات کی۔ کراچی آپریشن کے دوران کہہ دیا تھا کہ کرپشن کیسز نیب کے حوالے کئے جائیں ۔ انہوں نے کہاکہ ماڈل ایان علی جو رقم لے کر بیرون ملک جا رہی تھی اس سے کہیں زیادہ رقم کیس میں ملوث ہے اور یہ رقم کسی گٹھ جوڑ میں استعمال ہو رہی ہے۔

موضوعات:چوہدری نثار ڈاکٹر عاصم حسین ماڈل ایان علی نواز شریف