اسلام آباد(مانیٹرنگ ڈیسک) تحریک انصاف نے فواد چوہدری کوپانامالیکس کے لئے ترجمان مقررکردیاہے ۔ایک نجی ٹی وی کے مطابق
مرکزی سیکریٹری اطلاعات کا عہدہ نعیم الحق کے پاس ہی رہے گا۔ایک نجی ٹی وی سے گفتگوکرتے ہوئے کہاکہ نعیم الحق نے کہاکہ میں بدستود تحریک انصاف کامرکزی سیکرٹری اطلاعات ہوں ۔انہوں نے کہاکہ فواد چوہدری کوکچھ ذمہ داریاں دی گئی ہیں
ایسی ہی ذمہ داریاں شیریں مزاری کوبھی دی گئی ہیں ۔انہوں نے کہاکہ تحریک انصاف ایک بڑی پارٹی ہے اوراس کے لئے مختلف افراد کوذمہ داریا ں سونپی جاتی ہیں ۔تحریک انصاف کے سیکرٹری جنرل جہانگیر ترین نے نعیم الحق کے بارے میں تصدیق کی ہے کہ وہ ہی پارٹی کے مرکزی سیکرٹری اطلاعات ہیں ۔یادرہے کہ فواد چوہدری نے پرویزمشرف کی
جماعت چھوڑنے کے بعد تحریک انصاف کوجوائن کیاتھاجبکہ فواد چوہدری سابق صدرپرویزمشرف کے قریبی ساتھیوں میں تصورکئے جاتے رہے ہیں ۔واضح رہے کہ نعیم الحق نے گزشتہ روز ایک بیان جاری کیا تھا جس میں قطری شہزادے کے خط اور بے نظیر بھٹو کی وصیت کو ایک جیسا قرار دیا گیا تھاجس پرپیپلزپارٹی نے تحریک انصاف کوسخت جواب دیاتھا۔اس سے قبل پانامالیکس کے مقدمے کے وکیل حامدخان بھی معذرت کرچکے ہیں جس کے بعد عمران خان نے وکلاکی نئی ٹیم کااعلان کیاہے جس کے سربراہ نعیم بخاری ہیں ۔
