ملتان( مانیٹرنگ ڈیسک)سینئر سیاستدان مخدوم جاویدہاشمی نے کہا ہے کہ سی پیک خطے کے لیئے یقینی گیم چینجر ہے۔ اسکے باعث بھارت بھی پاکستان کے سامنے گھٹنے ٹیکنے پر مجبور ہو جائے گا۔ پاکستان کو ایشیا کا معاشی چیمپئن بننے سے کوئی نہیں روک سکتا۔13سال پہلے بتادیا تھا کہ روس اور چائنہ پاکستان کے ساتھ مختلف اہم امور پر معاہدے کرینگے ۔ وہ جمعرات کو اپنی رہائش گاہ پر مسلم لیگ ن یوتھ فورم کے چئیرمین اختر رسول ،صدر سید سہیل شاہ، امیر علی قریشی،قلب عباس گردیزی ودیگر کی قیادت میں آنے والے وفد سے ملاقات کے دوران گفتگو کررہے تھے ۔ انہوں نے کہا کہ دنیا کی کوئی طاقت پاکستان کو عالمی سطح پر تنہائی کا شکار نہیں کر سکتی۔

میں نے تو آج سے تیرہ سال قبل اپنی کتاب میں یہ بات درج کر دی تھی کہ روس اور چائنہ پاکستان کے ساتھ مختلف اہم امور پر معاہدے کرینگے، اور آج ایسا ہو چکاہے۔ اس موقع پر وفد کے اراکین نے مخدوم جاوید ہاشمی سے آئندہ الیکشن کے حوالے سے استدعا کی اور کہا کہ ملتان شہر کے نوجوان طلبا ،یونیورسٹیز کے سٹوڈنٹس آپکے شانہ بشانہ ہیں۔اور آپ حلقہ این اے 149 سے الیکشن لڑیں۔ جس پر مخدوم جاوید ہاشمی نے کہا کہ میں این اے 149سے ہر صورت الیکشن لڑوں گا۔ اوریہی اب میرا حلقہ انتخاب ہے۔اپناسیاسی اور جمہوری سفر کامیابی سے جاری رکھوں گا۔میں یہ چاہتاہوں کہ جنوبی پنجاب میں مزید تعلیمی ادارے اور یونیورسٹیز کا قیام عمل میں لایا جائے۔

موضوعات:جاوید ہاشمی