لاہور(آئی این پی )وزیراعلی پنجاب شہبازشریف نے کہا ہے کہ میٹروٹرین کے حوالے سے عدالت عظمیٰ میں پوراکیس پیش کریں گے جب کہ اب کسی بھی منصوبے میں درخت کاٹا نہیں جائے گا کیونکہ درخت ایک سے دوسری جگہ منتقل کرنے والی مشین منگوالی ہیں۔ عوام شکست خوردہ تھکے ہارے لوگوں کو شکست دیں کیونکہ تھکے ہارے اور شکست خوردہ ذہن ملک کی خوشحالی نہیں چاہتے۔ لاہور میں میڈیا سے بات کرتے ہوئے شہبازشریف نے کہا کہ دھرنوں اورجلسوں سے ترقی کا سفرنہیں رکے گا، عوام شکست خوردہ تھکے ہارے لوگوں کوشکست دیں کیونکہ تھکے ہارے شکست خوردہ ذہن ملک کی خوشحالی نہیں چاہتے ہیں جب کہ شکست خورد عناصرکااصل ہدف سی پیک ہے۔ وزیر اعلی پنجاب نے کہا کہ چین نے ساہیوال کول پاورپلانٹ آٹھ ماہ پہلے مکمل کرنے کایقین دلایا ہے، ہرفورم پرمیٹروٹرین کے منصوبے کاجوازثابت کرسکتے ہیں، میٹروٹرین کے حوالے سے عدالت عظمیٰ میں پوراکیس پیش کریں گے جب کہ اب کسی بھی منصوبے میں درخت کاٹا نہیں جائے گا کیونکہ درخت ایک سے دوسری جگہ منتقل کرنے والی مشین منگوالی ہیں۔ شہبازشریف کا کہنا تھا کہ پاکستان کی تاریخ میں پہلی بارٹری پلانٹرنے کام شروع کردیا ہے اوردرخت کی ایک جگہ سے دوسری جگہ منتقلی کامبابی سے کی گئی جب کہ پورے پنجاب میں اس طرح کی مشینیں منگوائیں گے۔ شہباز شریف نے کہا کہ عوام کی فلاح و بہبود کیلئے تمام کام کررہے ہیں جب کہ صوبے میں ترقی کوسبوتاژ کرنے کی کوشش کی جارہی ہے لیکن جب تک جان ہے غریب عوام کی خدمت کرتارہوں گا۔