اسلام آباد(مانیٹرنگ ڈیسک، این این آئی) سینئر صحافی مرتضیٰ سولنگی نے اپنے ایک ٹوئٹ میں دعویٰ کیا ہے کہ سعودی عرب نے ریاض میں ہمارے سفارت خانے اور جدہ میں قونصل خانے کو 27 اکتوبر کو کشمیر سے متعلق یوم سیاح منانے کی تقریبا ت کا

انعقاد کرنے کیلئے پرمٹ جاری کرنے سے انکار کر دیاہے ، اگر یہ سچ ہے تو پھر یہ شاہ محمود قریشی کیلئے لمحہ فکریہ ہے ۔دریں اثنا دفتر خارجہ نے انسدادِ منی لانڈرنگ کے عالمی ادارے فنانشل ایکشن ٹاسک فورس (ایف اے ٹی ایف) میں سعودی عرب کی پاکستان کی مخالفت کی خبر کو بے بنیاد اور جھوٹا قرار دیتے ہوئے کہاہے کہ پاکستان اور سعودی عرب کے قریبی دوستانہ تعلقات ہیں، ایف اے ٹی ایف پاکستان کے بارے میں اپنا جائزہ پلائنری میٹنگ کے بعد پیش کرے گا۔ ترجمان دفتر خارجہ نے سوشل میڈیا پرایف اے ٹی ایف کے معاملے پرسعودی عرب کی طرف سے ساتھ نہ دینے کی رپورٹس کوسختی سے مسترد اور بے بنیاد قراردیتے ہوئے کہا کہ پاکستان اورسعودی عرب کے درمیان برادرانہ تعلقات ہیں، پاکستان سعودی عرب کے ساتھ اپنے تعلق کوانتہائی اہمیت کا حامل سمجھتا ہے اورسختی سے اس طرح کے مذموم پروپیگنڈہ کو مسترد کرتا ہے۔ انہوں نے کہاکہ دونوں ممالک نے ہمیشہ باہمی، علاقائی اور بین الاقوامی اہمیت کے تمام معاملات پر ایک دوسرے کے ساتھ تعاون کیا ہے۔