اسلام آباد (مانیٹرنگ ڈیسک) کرونا وائرس کی صورتحال پر وزیراعظم عمران خان کا قوم کو اعتماد میں لینے کا فیصلہ، ایک نجی ٹی وی چینل نے ذرائع کے حوالے سے کہنا ہے کہ ملک میں کورونا وائرس کی صورتحال کے پیش نظر وزیراعظم عمران خان نے قوم کو ایک بار پھر اعتماد میں لینے کا فیصلہ کی ہے، وزیراعظم عمران خان پیر کو قوم کے سامنے تمام صورتحال رکھیں گے۔ وزیراعظم عمران خان کا کہنا ہے کہ قوم کے سامنے جامع روڈ میپ رکھوں گا۔ مشکل وقت میں لیڈرشپ

کا امتحان ہوتا ہے، گھبراہٹ میں کئے جانے والے فیصلے درست نہیں ہوتے۔ وزیراعظم عمران خان کا کہنا ہے کہ ہنگامی حالات میں تمام تر ملکی وسائل استعمال کرنے کا فیصلہ کیا ہے۔ ذخیرہ اندوزوں کو پیغام دیتے ہوئے انہوں نے کہاکہ ان سے کہہ رہا ہوں کہ نرمی سے کہی جانے والی بات مان لیں، سختی میں کئے جانے والے فیصلے آپ کے مفاد میں نہیں ہوں گے۔ وزیراعظم عمران خان نے ہدایات جاری کرتے ہوئے کہا کہ متعلقہ ادارے ہر طرح سے عوام کی مدد کے لئے تیار رہیں۔

موضوعات:ذخیرہ اندوزوں کو وزیراعظم عمران کا خصوصی پیغام