اسلام آباد (این این آئی)ستمبر میں ایک ساتھ تین روزہ طویل تعطیلات کا امکان ہے۔اسپیس اینڈ اپر ایٹموسفیئر ریسرچ کمیشن (سپارکو)کی پیشگوئی کے مطابق 24اگست کو ماہِ ربیع الاول کا چاند نظر آنے کا امکان ہے۔

اگر یہ پیش گوئی درست ثابت ہوئی تو عید میلاد النبی ۖ5ستمبر بروز جمعہ کو ملک بھر میں عقیدت و احترام سے منائی جائے گی، جس دن سرکاری تعطیل ہوگی۔اس کے اگلے روز 6ستمبر کو یومِ دفاع پاکستان کی مناسبت سے عام تعطیل متوقع ہے، جب قوم اپنے شہدا اور غازیوں کو خراج عقیدت پیش کرتی ہے۔ جبکہ 7ستمبر اتوار کی معمول کی چھٹی ہوگی۔ اس طرح عوام کو تین دن کی نایاب طویل تعطیلات میسر آئیں گی۔