اسلام آباد(مانیٹرنگ ڈیسک) مولانا سمیع الحق کے اندوہناک قتل کے بعد مولانا فضل الرحمن کو بھی تھریٹ الرٹ جاری کر دیا گیا۔ نجی ٹی وی جیو نیوز کی رپورٹ کے مطابق پولیس نے جے یو آئی (ف) کے سربراہ مولانا فضل الرحمان کو تھریٹ الرٹ جاری کردیا۔پشاور پولیس کی جانب سے مولانا فضل الرحمان کو خط تحریر کیا گیا ہے جس میں انہیں لاحق سیکیورٹی خدشات سے آگاہ کیا گیا ہے۔سینئر سپرنٹنڈنٹ پولیس (ایس ایس پی) پشاور کی جانب سے تحریر کیے گئے خط میں کہا گیاہےکہ مولانا فضل الرحمان کوبھی سیکیورٹی

خطرات ہیں، انہوں نے خطرات کے باوجود پشاور کا دورہ کیا۔ایس ایس پی کے خط میں خطرات کے باعث مولانا فضل الرحمان کو پشاور کا دورہ نہ کرنے کا مشورہ دیا گیا تھا۔دوسری جانب جے یو آئی (ف) کے رہنما راشد سومرو نے مولانا فضل الرحمان کی سیکیورٹی فول پروف بنانے کا مطالبہ کرتے ہوئے کہا ہے کہ مولانا سمیع الحق کی شہادت کےفوری بعدسکیورٹی خطرات سےمتعلق خط حوصلہ پست نہیں کرسکتا۔واضح رہے کہ گزشتہ روز معروف عالم دن اور سیاسی رہنما مولانا سمیع الحق کو ان کی رہائش گاہ پر قتل کیا گیا۔

موضوعات:تھریٹ الرٹ فضل الرحمن