ریاض(این این آئی)سعودی عرب میں معروف عالم دین اور سینئر علما کمیٹی کے رکن شیخ صالح محمد اللحیدان انتقال کر گئے۔ انہیں چند ہفتے قبل علالت کے سبب ہسپتال میں داخل کیا گیا تھا۔میڈیارپورٹس کے مطابق شیخ اللحیدان کے اہل خانہ نے سوشل میڈیا ویب سائٹ ٹویٹرپر وفات کی خبر دیتے ہوئے بتایا کہ
شیخ کی نماز جنازہ ریاض کی الراجحی مسجد میں ادا کر دی گئی ۔شیخ اللحیدان نے سعودی عرب میں کئی منصبوں پر کام کیا۔ ان کی کئی تالیفات بھی ہیں۔شیخ اللحیدان کی وفات کے اعلان کے ساتھ ہی سوشل میڈیا پر علمائے کرام ، اسکالرز اور لوگوں کی ایک بڑی تعداد کی جانب سے تعزیت کا اظہار کیا جا رہا ہے۔
