ڈھاکہ (این این آئی )اس سال کے انٹرنیشنل چلڈرنز پیس پرائز کا حقدار ایک سترہ سالہ بنگلہ دیشی لڑکے کو قرار دیا گیا ہے۔غیرملکی خبررساں ادارے کے مطابق سعادت رحمان کو یہ ایوارڈ ان کی موبائل ایپ کے لیے دیا گیا، جو آن لائن ہراسگی کے بارے میں

آگاہی فراہم کرتی ہے اور متاثرین کو ایسے واقعات رپورٹ کرنے میں مددگار ثابت ہوئی ہے۔ سعادت رحمان کا تعلق بنگلادیش کے ضلع نارائل سے ہے۔ ہالینڈ میں قائم تنظیم کڈز رائٹس فائونڈیشن کے اس سالانہ اعزاز میں با صلاحیت نوجوانوں کی کاوشوں کو سراہا جاتا ہے۔