نئی دہلی /کابل (این این آئی)افغانستان میں کورونا وائرس سے 32 اور بھارت میں 507 اموات کی تصدیق کی گئی ہے۔بھارتی ٹی وی کے مطابق بھارتی وزارت صحت نے بتایاکہ ملک میں کورونا وائرس کے متاثرین کی تعداد بڑھ کر
15 ہزار 712 ہوگئی ہے۔ دوسری جانب افغان وزیر صحت نے کہا کہ ملک میں 24 گھنٹوں میں کورونا وائرس کے 60 مزید کیسز رپورٹ ہوئے ہیں جس کے بعد تعداد 993 ہوگئی ہے۔افغان وزیر صحت کے مطابق کورونا وائرس سے متاثر 131 افراد صحت یاب ہوچکے ہیں۔
