روم (این این آئی )اٹلی میں گزشتہ چوبیس گھنٹوں میں کووڈ انیس کے مرض میں مبتلا 2563مریض صحت یاب ہو گئے ۔ اسی طرح اس ملک میں نئی قسم کے کورونا وائرس سے متاثرہ افراد کی تعداد میں نمایاں کمی دیکھی جا رہی ہے۔ غیرملکی خبررساں ادارے کے مطابق قومی صحت عامہ کے

ادارے نے بتایاکہ کورونا وائرس کے مریضوں کے علاج کے دوران مہلک وائرس کا نشانہ بننے والے طبی عملے میں سے تقریبا سترہ ہزار افراد دوبارہ تندرست ہو گئے ہیں۔ اٹلی میں کورونا وائرس سے اب تک بائیس ہزار سات سو پینتالیس افراد کی ہلاکت اور ایک لاکھ بہتر ہزار چار سو چونتیس کیسز کی تصدیق کی جا چکی ہے۔‎