پنگریو (این این آئی) کرونا وائرس ووہان کے بعد چین کے ہوبئی صوبے کے دیگر شہروں میں بھی پھیل گیاہے اورووہان سے ایک سو کلومیٹر کے فاصلے پرواقع جنگزو شہر کی میڈیکل اورانجینئرنگ یونیورسٹیوں میں زیر تعلیم چار سو کے قریب پاکستانی طالب علم اپنی یونیورسٹیوں میں محصور ہوگئے ہیں
جن میں پنگریو کارہائشی طالب علم مزمل آرائیں بھی شامل ہے مزمل آرائیں نے فون پرپنگریو کے صحافیوں کو بتایا کہ وہ جنگزو کی میڈیکل یونیورسٹی میں زیرتعلیم ہے وہ اوردیگر پاکستانی طالب علم جن میں طالبات بھی شامل ہیں گزشتہ پانچ چھ روز سے یونیورسٹی میں اپنے کمروں کے اندر بند ہیں ہمیں محفوظ مقام پرمنتقل کیا جائے مزمل نے بتایا کہ یونیورسٹی انتظامیہ نے ہم پرویڈیو بنانے اورریلیز کرنے پرپابندی عائد کردی ہے حکومت پاکستان ہماری مدد کرے جبکہ مزمل کے بھائی منظورحسین آرائیں اورچچا خالدآرائیں نے پنگریو کے صحافیوں سے بات چیت کرتے ہوئے کہا کہ مزمل کے ساتھ ساتھ دیگر پاکستانی طالب علم بے یارومددگار یونیورسٹیوں میں قید جیسی زندگی گزار رہے ہیں مزمل کے ساتھ کبھی رابطہ ہوجاتا ہے تووہ ہمیں کہتا ہے کہ حکومت پاکستان ہمیں یا تو ملک واپس بلوانے یا چین کے کسی محفوظ مقام پر منتقل کرنے کے اقدامات کیے جائیں انہوں نے بتایا کہ مزمل کا والد فوت ہوچکا ہے اور وہ گھر کا بڑا ہے اس کے محصور ہونے کے باعث اس کی والدہ اور بہن بھائیوں کی حالت غیر ہوگئی ہے اور وہ شدید پریشان ہیں انہوں نے حکومت پاکستان سے اپیل کی ہے کہ جنگزو شہر کی میڈیکل اور انجینرنگ یونیورسٹیوں میں زیرتعلیم محصور پاکستانی طلبہ وطالبات کو وطن واپس یا چین کے کسی۔محفوظ شہر میں منتقل کرنے کے فوری اقدامات کیے جائیں۔
