نئی دہلی(این این آئی)بین الاقوامی مذہبی آزادی پر امریکی کمیشن (یو ایس سی آئی آر ایف ) نے راجیہ سبھا ترمیمی بل( سی اے بی)کی منظوری پربھارت کے مرکزی وزیر داخلہ امت شاہ اور دیگر اہم قیادت کے خلاف پابندیوں کی تجویز پیش کی ہے۔ بیان میں کہا گیا ہے کہ اصل میں شاہ نے لوک سبھا میں یہ بل متعارف کرایاتھا جو غیر مسلم تارکین وطن کو خارج کرنے کے بارے میں ایک اشارہ ہے جس میں شہریوں کو شہریت دینے سے انکار کیا گیا تھا۔ کمیشن نے خدشہ ظاہر کیا کہ آسام میں جاری قومی
رجسٹر آف سٹیزن (NRC) عمل اور ملک گیر NRC کے ساتھ مل کر ، ہندوستانی حکومت ہندوستانی شہریت کے لئے ایک مذہبی خاکہ تشکیل دے رہی ہے جس سے لاکھوں مسلمانوں کو شہریت سے محروم کردیا جائے گا۔ لوک سبھا نے پہلی بار جنوری 2019 میں سی اے بی کو پاس کیا تھا ، لیکن احتجاج کی وجہ سے حکومت نے اسے واپس لے لیا تھا۔ بی جے پی نے مئی 2019 میں انتخابی کامیابی سے قبل جاری کردہ منشور کے ایک حصے کے طور پر سی اے بی کی منظوری کو بھی شامل کیا۔
