جے پور(این این آئی) بھارتی ریاست راجستھان کے ضلع Alwar میں ہندو انتہا پسندوں نے 21سالہ کشمیری طالب علم میر فیض کو کھمبے سے باندھ کر بدترین تشدد کا نشانہ بنایا ہے۔کشمیرمیڈیاسروس کے مطابق بارہمولہ سے تعلق رکھنے والے ایروناٹیکل انجینئرنگ کے ساتویں سمسٹر کا طالب علم میر فیض پر بدھ کی شب ضلع کے قصبے نیم راناحملہ کیاگیا۔ہندو انتہا پسندوں نے اسے خواتین
کا لباس پہنچا کرکھمبے سے باندھ کو غیر انسانی تشدد کا نشانہ بنایا۔ بعدازاں پولیس نے کشمیری نوجوان کو طبی معائینے اور علاج معالجے کیلئے بجھوادیا۔ نیم رانا پولیس اسٹیشن کے تفتیشی افسر لکشمن سنگھ کے مطابق یہ واقعہ بدھ کی شب آٹھ بجے اس وقت پیش آیا جب فیض میر اے ٹی ایم مشین سے پیسے نکال رہاتھا اور ہندو انتہا پسندوں نے اس پر حملہ کر دیا۔
