ریاض(این این آئی)سعودی عرب کی انتظامی عدالتوں کی طرف سے مجموعی طورپر 10 ہزار 937 والدین اور سرپرست حضرات کو نفقے کی مد میں 12 کروڑ 20 لاکھ ریال کی رقم فوری طورپرادا کرنے کا حکم دیا ہے۔عرب ٹی وی کے مطابق یہ اعدادو شمارسال 1440ھ کے دوران کے ہیں جن میں والدین کو نفقے کیسز میں مذکورہ رقوم کی ادائیگی کا حکم دیا ہے۔سعودی عرب کی عدالتوں کی طرف سے جرمانوں اور نان نفقے کی ادائی میں غفلت برتنے والے والدین کو خبراد کیا گیا کہ وہ واجب الاداء رقوم فوری طورپر ادا کریں۔سعودی وزارت

انصاف کے مطابق مکہ معظمہ سے نان نفقے کی مطالبے کی 4 کروڑ ریال مالیت کی 3893 درخواستیں دی گئیں۔ الریاض سے 2664 درخواستیں دائر کی گئیں جن میں 3 کروڑ 96 لاکھ ریال نفقے کا مطالبے کیا گیا۔نجران کے علاقے سے 30 درخواستیں دی گئیں جن میں مجموعی طورپر ایک لاکھ 46 ہزار ریال کی رقم کاتقاضا کیاگیا۔خیال رہے کہ سعودی عرب کیوزیر انصاف وقانون ولید الصمعانی نے عدالتوں کو ہدایت کی تھی کہ وہ بچوں کے تحفظ کے نظام کے تحت والدین سے ان پر واجب الاداء نفقے کی رقم جلد از جلد وصول کریں۔