لکھنو(آن لائن)ہندوستان کی معروف سیاسی جماعت سماج وادی پارٹی کے سربراہ اور سابق وزیر اعلیٰ اتر پردیش اکلیش یادیو نے مقبوضہ کشمیر کے عوام کی نقل و حرکت پر پابندیاں عائدکرنے پر بھارتی حکومت کو شدید تنقید کا نشانہ بناتے ہوئے کہاہے کہ جو کچھ کشمیر کے ساتھ ہوا ہے وہ اتر پردیش کے عوام کے ساتھ بھی ہوسکتا ہے۔بھارتی میڈیا کے مطابق لکھنو میں پریس کانفرنس سے خطاب کرتے ہوئے اکلیش یادیو نے کہاکہ ہمیں بی جے پی سے ادارہ جاتی کنٹرول کے بارے میں سیکھنا چاہیے کیونکہ دفعہ370کی منسوخی بی جے پی کے منشور میں شامل تھی اور انہوں نے اسے

منسوخ کر دیا۔ انہوں نے کہاکہ وہ صرف یہ یاددلانا چاہتے ہیں جوکچھ آج کشمیریوں کیساتھ ہوا وہ کل ہماریساتھ بھی دہرایا جاسکتا ہے۔ انہوں نے دفعہ 370کی منسوخی پر سوال اٹھاتے ہوئے کہاکہ کشمیرمیں آج مسلسل 23دنوں سے لوگ اپنے گھروں میں محصور ہیں،اگر بھارتی حکومت کا یہ فیصلہ اتنا ہی عظیم تھا تو اس نے لوگوں سے رائے کیوں نہیں لی؟۔واضح رہے کہ اکلیش یادیو کی یہ تنقید بھوجن سماج پارٹی کی سربراہ مایا وتی کے اس بیان کے بعد سامنے آئی ہے جس میں انہوں نے کہاتھا کہ حزب اختلا ف کے رہنماؤں کو سرینگر جانے سے قبل اپنے فیصلے پر ازسرنو غور کرنا چاہیے تھا۔