اسلام آباد(نیوزڈیسک)پاکستان حملہ کرنے والا ہے،بھارتی پاک فوج کی ایکشن ٹیم”بی اے ٹی“ سے خوفزدہ،بھارتی صحافی نے سنگین دعوے کردیئے، تفصیلات کے مطابق بھارتی صحافی ادیتیا راج کول نے اپنے ٹویٹس سے بھارتی باشندوں کو خوف میں مبتلا کردیا، ادتیا راج کول نے ٹوئٹر پر ٹویٹ کرتے ہوئے پاک فوج کے بارے میں دعویٰ کیا ہے کہ پاکستان کی افواج کو الرٹ کردیاگیا ہے اور سپیشل سروسز گروپ(ایس ایس جی) اور ایلیٹ کمانڈو فورس سمیت پاک فوج کی
بارڈر ایکشن ٹیم(بی اے ٹی) بھی بھارتی چوکیوں پر حملے کے لئے تیار ہے، بھارتی صحافی ادیتیا راج کول کے ٹویٹس کے جواب میں اس وقت دلچسپ صورتحال پیداہوگئی جب پاکستانی صحافی اجمل شامی نے بھارتی صحافی کے ٹویٹس کے جواب میں طنز کرتے ہوئے کہا کہ ”صبر، ادیتیا رائے صبر کرو، گہری سانس لو،کچھ دیر بیٹھ جاؤ اور آنکھیں بند کرلو،اتنا ہلکان کاہے کو ہے مہاراج؟ ادیتیا راج کول کے ٹویٹس کے جواب میں مسلسل پاکستانیوں کی جانب سے ٹویٹس کا سلسلہ جاری ہے۔
