کنداری (انڈونیشیا)(این این آئی)انڈونیشیا کے جزیرہ سولاویسی میں ہفتے کو علی الصباح ایک کشتی میں آتشزدگی کے حادثے کے نتیجے میں دو بچوں سمیت کم سے کم سات افراد جاں بحق اور چار لاپتہ ہوگئے۔ حادثے کے وقت کشتی پر دسیوں افراد سوار تھے۔انڈونیشیا کی پولیس کے مطابق کشتی میں آگ اس وقت لگی جب وہ جنوب مشرقی صوبے سولا ویسی سے جزیرہ سولا ویسی کی طرف نصف شب روانہ ہوئی۔پولیس کا کہنا ہے کہ اچانک کشتی کے انجن میں آگ بھڑک اٹھی جس نے کشتی کو

اپنی لپیٹ میں لے لیا۔ آگ تیزی کیساتھ کشتی کے دوسرے حصوں میں پھیل گئی۔ پولیس کا خیال ہے کہ کشتی میں آتشزدگی ایندھن کی ٹینکی پھٹنے سے ہوئی۔ حادثے کے وقت کشتی پرسوار مسافروں کی اصل تعداد کا پتا نہیں چل سکا۔ حکام کا کہنا ہے کہ چار افراد لا پتا ہیں اور ان کی تلاش جاری رہے۔ایک مسافر نے بتایاکہ کشتی پر50 افراد سوار تھے جب کہ امدادی رضا کاروں کیے مطابق کشتی پر 61 افراد سوار تھے۔ حادثے کے بعد دو بچوں سمیت 7 افراد کی لاشیں اسپتال پہنچائی گئی ہیں۔

موضوعات:انڈونیشیا،کشتی،آتشزدگی،ہلاکتیں