ریاض(این این آئی) صحافی جمال خاشقجی کے قتل سے متعلق اقوام متحدہ کی رپورٹ پرسعودی عرب نے کہاہے کہ اقوام متحدہ کی رپورٹ بے بنیاد ہیں ۔ میڈیا رپورٹ کے مطابق سعودی عرب کے وزیر مملکت برائے امور خارجہ عادل الجبیر نے رپورٹ پر رد عمل دیتے ہوئے کہا کہ اقوام متحدہ کی رپورٹ بے بنیاد ہے۔انہوں نے کہا کہ رپورٹ میں کچھ نیا نہیں، یہ باتیں پہلے ہی میڈیا پر آچکی ہیں۔عادل الجبیر نے کہا کہ رپورٹ میں لگائے گئے بے بنیاد الزامات رپورٹ کی ساکھ کو متاثر کرتے ہیں۔واضح رہے

کہ اقوام متحدہ کی تحقیقاتی رپور ٹ میں سیکریٹری جنرل انتونیو گوئتریس سے قابل قدر ثبوت کی بنا پر سعودی صحافی جمال خاشقجی کے قتل کی عالمی سطح پر تحقیقات کا مطالبہ کیا گیا۔سعودی صحافی جمال خاشقجی کیقتل پریواین ہائی کمشنر فارہیومن رائٹس کی رکن نے اپنی رپورٹ میں کہا کہ سعودی صحافی جمال خاشقجی کیقتل میں سعودی ولی عہد سمیت اعلیٰ عہدیداروں کے تعلق کے قابل قدر ثبوت ہیں، جمال خاشقجی کوگذشتہ سال 2اکتوبرکواستبول میں سعودی سفارتخانیمیں قتل کردیاگیاتھا۔

موضوعات:سعودی عرب