راولپنڈی(این این آئی)سول ایوی ایشن اتھارٹی نے پاکستانی فضائی حدود میں اوورفلائی کی بندش میں 28 جون تک توسیع کر دی۔تفصیلات کے مطابق سی اے اے کی جانب سے پاکستانی فضائی حدود میں ٹرانزٹ اور اوور فلائی پر 15 جون تک پابندی عائد تھی،سی اے اے نے اوور فلائی کی بندش کے دورانیے میں مزید 14یوم کی توسیع کی ہے۔سی اے اے نے اوور فلائی پر پابندی کا نیا نوٹم جاری کر دیا جس کے مطابق اوور فلائی کی بندش کے بعد بھارتی طیارے پاکستانی فضائی حدود

استعمال نہیں کر سکیں گے۔اوور فلائی کی بندش کے بعد لاہور سے دہلی،بنکاک، کوالالمپور، سری لنکا، ارمچی کی پروازیں بھی منسوخ کر دی گئیں،پاک بھارت کشیدگی کے باعث پاکستانی ایسٹرن فضائی حدود پہلے ہی 27 فروری سے بند ہے۔ترجمان سی اے اے کے مطابق پاکستانی فضائی حدود میں ٹرانزٹ اور اوور فلائی نئے حکم نامے تک بند رہے گی۔ترجمان سی اے اے کے مطابق پاکستانی فضائی حدود میں ایسٹرن ایئر سائیڈ بند اور ویسٹرن فضائی حدود میں آپریشن جاری ہے۔