اسلام آباد(مانیٹرنگ ڈیسک) بھارتی پروفیسر کو وزیراعظم عمران خان کی تعریف کرنا بھاری پڑگیا‘گھٹنوں پر بٹھا کر معافی منگوائی گئی۔بھارتی میڈیا کی رپورٹ کے مطابق سینکڑوں انتہاپسند ہندوئوں نے کرناٹک، وجے پور کے انجینئرنگ کالج کے پروفیسر کو گھیرے میں لے لیا اور زبردستی گھٹنوں پر بیٹھ کر معافی مانگنے کا کہا، جس پر پروفیسر ہاتھ جوڑ کر معافی مانگتے رہے۔

دریں اثنا کالج انتظامیہ سے پروفیسر کو معطل کرنے کی درخواست بھی کی گئی ہے، پروفیسر پر الزام عائد کیا گیا تھا کہ انہوں نے فیس بک پر پاکستان اور بھارت کے درمیان تنائو پر مرکزی حکومت پر تنقید کے ساتھ عمران خان کی تعریف بھی کی تھی۔فی الحال کالج انتظامیہ کی جانب سے مذکورہ پروفیسر کیخلاف کسی بھی قسم کا کوئی ایکشن لینے کی اطلاعات سامنے نہیں آئیں۔

موضوعات:بھارتی پروفیسر عمران خان