واشنگٹن(این این آئی) آنجہانی سابق امریکی صدر بْش سینیر کے کتے سولی کو ایک نئی ذمہ داری سونپ دی گئی ہے، سولی اب موجودہ اور سابق فوجیوں کے ایک طبی مرکز میں سیکیورٹی کے فرائض انجام دے گا۔عرب ٹی وی کے مطابق سولی ایچ ڈبلیو بش کو41 ویں امریکی صدر کا ساتھی ہونے کی بدولت کافی شہرت حاصل ہوئی۔ سولی والٹر ریڈمیڈیکل سینٹر میں سابق صدر کے ساتھ رہ چکا ہے۔عمر کے آخری ایام سولی جارج بش سینئر کے ساتھ رہا۔ گذشتہ برس بش سینئر کی وفات کے بعد کانگریس کے گول
ہال میں سولی کو بھی اپنے مالک کا آخری دیدار کرایا گیا تھا۔والٹر ریڈسینٹر کے مطابق سولی کو دی گئی نئی ذمہ داری زخمی ہونے والے فوجیوں اور ان کے خاندانوں کی معاونت، کشیدگی کے ماحول میں سکون اور مثبت احساسات پہنچانا ہے۔اڑھائی سالہ سولی لیبری ڈور نسل سے ہے۔ میرلی لینڈ ریاست میں قائم طبی مرکز میں سولی ک ساتھ 6 اور کتے بھی رکھے گئے ہیں۔بش سینئر کی پوتی جینا بوش ھاگز نے ٹویٹر پر پوسٹ ایک ٹویٹ میں کہا کہ سولی طبی مرکز میں محبت عام کرنے میں مدد دے گا۔
