طرابلس (این این آئی)لیبیا کی فوج نے خبردار کیا ہے کہ ملک میں ترکی اور قطر کی جانب سے جاری مداخلت کے سنگین نتائج سامنے آئیں گے۔غیرملکی خبررساں ادارے کے مطابق فوجی ترجمان بریگیڈیئر احمد المسماری کا کہنا تھا کہ جنوبی لیبیا میں جاری الکرامہ فوجی آپریشن کے دوران ترکی اور قطر کی دم کاٹ دی جائے گی۔لیبی فوج کے ترجمان نے کہا کہ جنوبی لیبیا میں دہشت گردوں کے خلاف جاری آپریشن کے دوران ترکی اور قطر کی دم کاٹ دیں گے۔بریگیڈیئر المسماری نے ترکی اور
قطر پر لیبیا میں افراتفری پھیلانے والے ٹی وی چینلوں کو فنڈز فراہم کرنے کا الزما عاید کیا اور کہا کہ استنبول اور دوحا سے نشر ہونے والے چینل لیبیا میں انارکی کو ہوا دے رہے ہیں۔دریں اثناء لیبیا کے دارالحکومت طرابلس ہوائی اڈے کے قریب قصر بن غشیر کے مقام پر طرابلس پروٹیکشن فورس، النواصی گروپ، ابو سلیم اور حکومت کے وفادار تاجوراء گروپوں کے درمیان تصادم ہواجس کے نتیجے میں پانچ افراد ہلاک اور 25 زخمی ہوگئے،اس موقع پرالکانیات بریگیڈ 7 نے بھاری اور درمیانے دجے کے ہتھیاروں کا استعمال کیا ۔ لڑائی کی وجہ بریگیڈ 7 کا سیکیورٹی انتظامات میں شامل ہونابتایا جا رہا ہے کیونکہ طرابلس پروٹیکشن فورس کو بریگیڈ 7 کے سیکیورٹی انتظامات قابل قبول نہیں۔غیرملکی خبررساں ادارے کے مطابق جمعرات کو ایک بیان میں لیبیا کی وزارت صحت نے بتایاکہ دارالحکومت طرابلس میں ہونے والی لڑائی کے نتیجے میں 5 افراد ہلاک اور 25 زخمی ہوگئے، دارالحکومت طرابلس میں چار ماہ قبل مسلح گروپوں کے درمیان طے پانیوالی جنگ بندی کے بعد گذشتہ روز اچانک لڑائی بھڑک اٹھی۔ تازہ لڑائی کے نتیجے میں دارالحکومت میں بسنے والے شہریوں میں سخت خوف و ہراس پایا جا رہا ہے۔جنوبی دارالحکومت کے طرابلس ہوائی اڈے کے قریب قصر بن غشیر کے مقام پر طرابلس پروٹیکشن فورس، النواصی گروپ، ابو سلیم اور
حکومت کے وفادار تاجوراء گروپوں کے درمیان تصادم ہوا۔ اس موقع پرالکانیات بریگیڈ 7 نے بھاری اور درمیانے دجے کے ہتھیاروں کا استعمال کیا ۔طرابلس کے ایک مقامی ذریعے نے عرب ٹی وی کو بتایا کہ دارالحکومت میں لڑائی گزشتہ روز وقفے وقفے سے شروع ہوئی، جو بعد میں زیادہ شدت اختیار کرگئی۔ ذرائع کا کہنا تھا کہ لڑائی کی وجہ بریگیڈ 7 کا سیکیورٹی انتظامات میں شامل ہونابتایا جا رہا ہے کیونکہ طرابلس پروٹیکشن فورس کو بریگیڈ 7 کے سیکیورٹی انتظامات قابل قبول نہیں۔
دوسری جانب قطر نواز لیبی شدت پسند عبدالحکیم بلحاج کے ملکیتی ٹی وی چینل نے فروری کے اوائل سے اپنی نشریات بند کرنے کا اعلان کردیا،غیرملکی خبررساں ادارے کے مطابق بلحاج اور اور اس کے ٹی وی چینل پر لیبیا میں دہشت گردوں کی حمایت اور لیبی فوج کے خلاف نفرت کو ہوا دینے کا الزام عاید کیا جاتا ہے۔دہشت گردی کے خلاف متحد چار عرب ممالک سعودی عرب، مصر، امارات اور بحرین نے النبا ٹی وی چینل کو دہشت گردوں کا ترجمان قرا دینے اور قطر کی حمایت پر بلیک لسٹ کررکھا ہے۔