ایربل(آئی این پی )بین الاقوامی ائیر ٹرانسپورٹ ایسوسی ایشن نے کہا ہے کہ جاپان کا پاسپورٹ دنیا بھر میں سب سے مقبول اور مضبوط پاسپورٹ بن کر سامنے آیا ہے۔ جاپان کے شہری اپنے پاسپورٹ پر 190ممالک میں ویزہ حاصل کرنے کے بغیر سفر کرنے کے اہل ہوگئے ہیں۔ جاپانی پاسپورٹ نے سنگاپور پاسپورٹ کے پیچھے چھوڑتے ہوئے یہ اعزاز حاصل کیا ہے۔ عالمی میڈیا کے مطابق انٹرنیشنل ائیر ٹرانسپورٹ ایسوسی ایشن کی جانب سے بدھ کو جاری کردہ
رپورٹ میں بتایا گیا ہے جاپان کا پاسپورٹ ایک مضبوط دستاویز کے طور پر عالمی سطح پر سامنے آیا ہے جبکہ عراق اور افغانستان کے پاسپورٹ پر آپ بغیر ویزہ کے دنیا کے کسی ملک میں سفر نہیں کرسکتے ہیں۔ دنیا کے دس بہترین پاسپورٹ میں جاپان کے بعد دوسرے نمبر سنگاپور تیسرے نمبر پر فرانس چوتھے نمبر جرمنی پانچویں نمبر پر جنوبی کوریا چھٹے پر ڈنمارک ساتویں پر فن لینڈ اٹھویں پر اٹلی نویں سپین اور دسویں پر سویڈن ہیں۔
