ریاض/برلن( انٹرنیشنل ڈیسک)خادم الحرمین الشریفین کے جرمنی کے لیے متعین کردہ سفیر شہزادہ خالد بن بندر بن سلطان نے ایک مرتبہ پھر برلن میں اپنی سفارتی ذمہ داریاں سنبھال لی ہیں۔عرب ٹی وی کے مطابق سعودی وزارت خارجہ نے ایک بیان میں بتایا کہ برلن میں سعودی سفیر خالد بن بندر بن سلطان نے سعودی سفارت خانے میں اپنی ذمہ داریاں انجام دینا شروع کر دی ہیں۔وزارت خارجہ
کی طرف سے ٹویٹر پر پوسٹ کردہ ایک بیان میں کہا گیا کہ سعودی عرب کے سفیر نے برلن میں جرمن وزیر خارجہ ھایکو ماس سے ان کے دفتر میں ملاقات کی۔ اس ملاقات میں دون ملکوں کے درمیان تعاون کے فروغ پر بات چیت کی گئی۔خیال رہے کہ سعودی عرب اور جرمنی کے درمیان چند ماہ قبل سفارتی تنازع پیدا ہوگیا تھا جس کے سعودی حکومت نے اپنا سفیر واپس بلالیا تھا۔