بیروت ( انٹرنیشنل ڈیسک)لبنان کے نامزد وزیر اعظم سعد حریری نے کہا ہے کہ نئی حکومت جلد ہی تشکیل دے دی جائے گی اور صدر میشل عون کی وطن واپسی کے فوری بعد یہ مرحلہ طے پا جائے گا۔ غیرملکی خبررساں ادارے کے مطابق بیروت میں صحافیوں سے گفتگو میں

انہوں نے کہا کہ صدر میشل عون کی وطن واپسی کے فوری بعد یہ مرحلہ طے پا جائے گا۔ حریری کے بقول نئی حکومت میں تمام سیاسی طاقتوں کی حمایت حاصل کرنے کی کوشش کی جائے گی۔ لبنان میں الیکشن ہوئے پانچ ماہ گزر چکے ہیں لیکن ابھی تک حکومت تشکیل نہیں پا سکی ہے۔