واشنگٹن(انٹرنیشنل ڈیسک)امریکی وزیر خارجہ مائک پومپیو نے اپنا ایشیائی دورہ مکمل کر لیا ہے جس کے دوران چین میں اْن کا چینی حکام کے ساتھ غیر معمولی طور پر تند و تیز جملوں کا تبادلہ ہوا اور دونوں ممالک نے ایک دوسرے پر کشیدگی بڑھانے اور دو طرفہ تعلقات خراب کرنے کا الزام عائد کیاہے ۔ یوں پومپیو کا دورہ چین، شمالی کوریا کے دورے سے یکسر مختلف رہا۔

جسے دونوں فریقین نے مثبت اور تعمیری قرار دیا تھا۔ایشیا کے اس دورے کے دوران پومپیو جنوبی کوریا اور جاپان بھی گئے تھے۔میڈیارپورٹس کے مطابق امریکی وزیر خارجہ پومپیو کا اس موقع پر کہنا تھا کہ مجھے افسوس ہے کہ ہمارے دونوں ملکوں کے درمیان سٹریٹجک تعلقات کچھ انداز میں چلے جسے آپ سب کرنا نہیں چاہتے تھے۔ یہ ہمارے دونوں ممالک کے عوام کے لئے اچھے مواقع پیدا کرنے کی غرض سے وسیع تر اور تمام مسائل کا احاطہ کرنے پر مبنی بات چیت ہوتی۔

موضوعات:امریکی وزیرخارجہ