نئی دہلی(آئی این پی)بھارتی روپیہ تاریخ کی بلند ترین گراوٹ کا شکار،ڈالر کے مقابلے میں بھارتی روپیہ اب کتنے کا ہوگیا؟ حیرت انگیز انکشاف،بھارتی روپیہ مسلسل گراوٹ کاشکار ہے، ڈالر کے مقابلہ میں بھارتی روپے کی قدر 59پیسے کی گراوٹ سے تاریخ کی بلند ترین سطح 74روپے15پیسے تک پہنچ گئی ۔ بھارتی میڈیا کے مطا بق ریزرو بینک آف انڈیاکے ذریعہ ریپو ریٹ(ری پرچیز ریٹ)میں کوئی تبدیلی نہ کر کے اسے 6.50فیصد ہی برقرار رکھنے کے باعث حصص بازار اور روپے میں زبردست تنزلی

ریکارڈ کی گئی۔ امریکی ڈالر کے مقابلہ میں بھارتی روپے کی قدر 59پیسے کی گراوٹ سے74روپے15پیسے تک پہنچ گئی جو ہندوستانی و امریکی کرنسی کی تاریخ میں اب تک کا سب سے بڑا فرق ہے ۔ آر بی آئی کا شرحوں میں کوئی تبدیلی نہ کرنے کا پالیسی اعلان حیران کن ہے جس سے خاص طور پر کرنسی منڈی پر منفی اثر مرتب ہورہا ہے۔ خام تیل کی بڑھتی قیمتوں کی روشنی میں درآمد کاروں خاص طور سے تیل ریفائنریوں کا ڈالروں کی تسلسل سے ضرورت کے باعث روپیہ پر دباو بڑھ گیا ۔

موضوعات:بھارتی روپیہ