انقرہ(انٹرنیشنل ڈیسک)ترکی روس کے حمایت یافتہ صدر بشارالاسد کی حکومت کے بجائے شامی عوام کے ساتھ مل کر بحران کے حل کے لیے کوشاں رہے گا ۔غیرملکی خبررساں ادارے کے مطابق یہ بات ترک صدر رجب طیب ایردوآن نے دارالحکومت انقرہ میں حکمران جماعت آق کی پارلیمانی پارٹی کے اجلاس میں خطاب کرتے ہوئے کہی
۔انھوں نے کہا کہ شام کے شمال مغربی علاقے میں ترکی کی نگراں چوکیوں کو مضبوط بنایا جائے گا اور روس کے ساتھ مل کر سخت گیر گروپوں کے خلاف کارروائی کی جائے گی۔صدر ایردوآن نے بتایا کہ ترکی اکتوبر یا نومبر میں روس ، جرمنی اور فرانس کے ساتھ ایک اجلاس منعقد کرے گا ۔اس میں شام کی تازہ صورت حال اور بحران کے حل کے حوالے سے تبادلہ خیال کیا جائے گا۔
