اسلام آباد(مانیٹرنگ ڈیسک) سعودی عرب نے گرین کارڈ کے لئے امیدواروں کی اہلیت میں اضافہ کردیا ، جس میں اعلیٰ تعلیم اورسرمایہ کاری شامل ہوگی۔سعودی گزٹ کی تفصیلات کے مطابق جدہ شوریٰ کونسل کمیٹی کے نائب چئیرمین فہد بن جمیٰ کا کہنا ہے کہ گرین کارڈ کے حصول کیلئے درخواست گزاروں کا اعلیٰ تعلیم یافتہ ہونا ضروری ہے۔ اس کی مختلف شعبہ جات میں مہارت ہونا بھی لازمی ہے۔اس کا ان مخصوص شعبوں میں

ماہر ہونا ضروری ہے جس میں سعودی عرب کے مقامی افراد نہیں رکھتے ہیں۔یا پھر وہ کمپنی کے مالکان ہونے چاہئیں جو کہ سعودی عرب میں سرمایہ کاری کرسکتے ہوں۔ان کا کہنا تھا کہ اس طرح کی حدود کے باعث اب سعودی گرین کارڈ کا حصول قدرے مشکل ہوگیا ہے۔واضح رہے کہ سعودی عرب میں غیر قانونی مقیم افراد کیخلاف آپریشن جاری ہے جس میں اب تک کئی لاکھ افراد کو ملک بدر کیا جاچکا ہے اس میں کئی ہزار پاکستانی بھی شامل ہیں۔

موضوعات:سعودی عرب