ممبئی (انٹرنیشنل ڈیسک)بھارت کی جنوب مغربی ریاست کیرالا میں آئے شدید سیلاب سے ہونے والی ہلاکتوں کی تعداد 324 ہو گئی ہے ٗ مون سون کی طوفانی بارشوں سے نظام زندگی مفلوج ہوگیا ٗ بد ترین موسمی حالات کے باعث وارننگ جاری کر دی گئی ۔ غیر ملکی میڈیا کے مطابق ریاستی وزیراعلیٰ پینارائی وجییان نے بتایا کہ اْن کی ریاست کو گزشتہ ایک سو سالوں کے سب سے سنگین سیلاب کا سامنا ہے۔

یاد رہے کہ موجودہ ریاست کے کئی علاقے گزشتہ 10 روز سے شدید سیلاب کی لپیٹ میں ہیں ۔ ریاستی وزیراعلیٰ نے بتایا کہ انہوں نے ملکی وزیر دفاع سے مزید فوجی ہیلی کاپٹرز فراہم کرنے کی درخواست کی ہے تا کہ کئی علاقوں میں چھتوں پر بیٹھے ہوئے متاثرہ افراد کی منتقلی کا کام شروع کیا جا سکے۔ غیر ملکی میڈیا کے مطابق مطابق بھارت میں گزشتہ ایک ہفتے سے جاری بارشوں کے باعث حکومتی سیلابی کیمپوں میں ڈیڑھ لاکھ سے زائد افراد پناہ لیے ہوئے ہیں ٗکئی افراد اپنے گھر کی چھتوں پر جانیں بچانے کے لیے پناہ لینے پر مجبور ہوئے ٗریاست کیرالہ میں شدید بارشوں کے باعث فضائی اور ٹرین سروس بھی معطل ہوگئی۔بھارتی وزیر داخلہ کا کہنا تھا کہ مون سون بارشوں نے کیرالہ کی 14 میں سے 12 اضلاع کو شدید متاثر کیا ہے اور جون سے لے کر اب تک ان بارشوں سے 2 لاکھ سے زائد افراد متاثر ہوئے ٗ 80 ہزار سے زائد ایکڑ کے رقبے پر پھیلی فصل کو بھی نقصان پہنچا `ریاست کے ساحلی شہر کوچی میں بین الاقوامی ایئرپورٹ کے رن وے پر پانی کھڑے ہوجانے کے باعث تمام فلائیٹ ا?پریشنز ہفتے کے روز تک کے لیے معطل ہوگئے۔رپورٹ میں کہا گیا کہ کیرالہ میں 247، اتر پردیش میں 190، مغربی بنگال میں 183، مہاراشٹرا میں 139، گجرات میں 52، آسام میں 45 اور ناگالینڈ میں 11 افراد اب تک ہلاک ہوچکے ہیں۔