فزہو(آئی این پی/شِنہوا)مشرقی چین کے صوبہ فجیان کے کسٹم حکام نے پلاسٹک سلیپر کے 1لاکھ 56ہزار جوڑے قبضہ میں لے لیے ہیں۔ یہ جوڑے فیفاء ورلڈ کپ 2018کے پراپرٹی رائٹس کی خلاف ورزی کر کے تیار کئے گئے تھے،کسٹم حکام کو اطلاع ملی تھی کہ فیفاء ورلڈ کپ میں استعمال ہونے والی کچھ اشیاء جعلی طور پر تیار کر کے فیفاء ورلڈ کپ یا رشیا 2018کے نام سے برآمد کی جائیں گی۔

جس پر تلاشی لینے کے بعد کسٹم حکام نے پلاسٹک سلیپر برآمد کرنے کی کوشش ناکام بنا دی، فیفاء نے اس بات کی تصدیق کر دی ہے کہ سلیپر کے یہ جوڑے قانونی طور پر تیار نہیں کئے گئے،کسٹم حکام نے بتایا ہے کہ کہ اس قسم کے جعلی آئٹم میں شرٹس،جوتے اور ہیٹ بھی شامل ہیں،کسٹم پولیس نے مخصوص مقامات پر کریک ڈاؤن کا سلسلہ شروع کر دیا ہے ان میں فجیان،زی جیانگ،گوانگ ڈانگ اور ہوبی کے صوبے بھی شامل ہیں۔