کابل(این این آئی)افغانستان میں امریکی اور نیٹو افواج کے سربراہ جنرل جان نکلسن نے کہا ہے کہ افغانستان میں افغان نیشنل آرمی نے کی صلاحیت میں بہتری آئی ہے اور وہ طالبان کی دہشت گردی کا مقابلہ کر رہی ہے۔ جرمن ریڈیو سے بات چیت کرتے ہوئے جنرل نکلسن نے کہا کہ جو طالبان جنگ جاری رکھے ہوئے ہیں یا مذاکرات کی میز پر آنے کے لیے تیار نہیں ہیں انہیں افغانستان کے پڑوس کی حمایت حاصل ہے۔ ان کا واضح اشارہ پاکستان کی طرف تھا۔جنرل نکلسن نے مزید کہا کہ افغانستان اور پاکستان کے

علما جنگ کے خلاف فتوی دے چکے ہیں اب جنگ کا کوئی اسلامی جواز نہیں۔ ٹرمپ کی جنوبی ایشیا پالیسی نے گزشتہ دس مہینوں کے دوران افغانستان کی صورتحال میں واضح تبدیلی کردی ۔ طالبان نئی پالیسی کا فائدہ اٹھائیں کیونکہ وہ جنگ نہیں جیت سکتے۔ نکلسن نے پاکستان اور افغانستان کے بہتر ہوتے تعلقات پر اطمینان کا اظہار کیا۔ پاکستان کے بارے میں پوچھے گئے سوال کے جواب میں جنرل جان نکلسن کا کہنا تھا کہ پاکستان کے تز ویریاتی مقام کی وجہ سے افغانستان کے مسئلے کے حل میں اس کی حیثیت کلیدی ہے۔

موضوعات:جنرل نکلسن