بنگلور(آئی این پی)بھارت کی حکمران جماعت نے تعصب میں سب کو پیچھے چھوڑ دیا، سابق مرکزی وزیر اور بی جے پی کے رکن اسمبلی بسان گوڑا پاٹل پتنال نے کہا ہے کہ کونسلرز صرف ہندوؤں کیلئے کام کریں،ٹوپی اور برقع والوں کو میرے آفس میں نہ آنے دیں اور نہ ہی میرے برابر کھڑاہونے دیں۔بھارتی میڈیا کے مطابق بھارت کے سابق مرکزی وزیر اور بی جے پی کے رکن اسمبلی بسان گوڑا پاٹل پتنال کا کونسلروں کو صرف ہندوو?ں کیلئے کام کرنے کا حکم دینے والا متنازعہ وڈیو وائر ل ہوگیا۔
سوشل میڈیا پر وائرل ہونیوالے اس وڈیو میں یتنال نے کہا کہ تمام کونسلرز صرف ہندوو?ں کیلئے کام کریں جنہوں نے بیجا پور میں میرے حق میں ووٹ دیئے نہ کہ مسلمانوں کیلئے۔ بی جے پی رہنما نے کہا کہ میں نے اپنے کارکنوں سے کہا تھا کہ وہ ٹوپی اور برقع والوں کو میرے آفس میں نہ آنے دیں اور نہ ہی میرے برابر کھڑاہونے دیں۔ ذرائع کے مطابق انہوں نے 4جون کو وجے پور میں ایک پروگرام میں یہ اشتعال انگیز بیان دیا تھا۔ مذکورہ ایم پی واجپئی دور حکومت میں وزیر مملکت رہ چکے ہیں۔
