واشنگٹن(این این آئی)امریکہ کے وفاقی تحقیقاتی ادارے ایف بی آئی کے سابق سربراہ جیمز کومی نے جنہیں صدر ٹرمپ نے برطرف کردیا تھا اپنی کتاب میں صدر ٹرمپ پر کڑی نکتہ چینی کی ہے اور کہاہے کہ صدر ٹرمپ صدارت کے منصب کے لئے اخلاقی طور پر اہل نہیں ہیں۔امریکی ٹی وی کے مطابق صدر ٹرمپ پر متنازع کتاب
سے سیاسی تقسیم بڑھنے کا اندیشہ پیدا ہوگیا ہے اورتجزیہ کاروں کے مطابق اس وقت ملک کے اندر سیاسی اور اخلاقی تقسیم پیدا ہو چکی ہے جو اور بڑھ سکتی ہے جس کی وجہ سے لوگوں کا انداز فکر انتہا پر چلا جائے گا۔ جو لوگ ٹرمپ کو پہلے ہی پسند نہیں کرتے وہ ان کے اور خلاف ہوجائیں گے اور جو ان کے حامی ہیں وہ ان کی حمایت کرتے رہیں گے۔
