ممبئی (آئی این پی)بھارتی حکمران جماعت (بی جے پی )کے رکن قانون ساز اسمبلی منگل پربھات لودھا نے ممبئی میں واقع قائد اعظم محمد علی جناح کی رہائش گاہ کو گرا کر اسکی جگہ کلچرل سنٹر تعمیر کرنے کا مطالبہ کردیا۔بھارتی میڈیا کے مطابق پبلک ورکس ڈیپارٹمنٹ (پی ڈبلیو ڈی ) کے بجٹ مطالبات پر قانون ساز اسمبلی میں خطا ب کرتے ہوئے منگل پربھات لودھا نے کہاکہ جنوبی ممبئی میں واقع قائد اعظم محمد علی جناح
کی رہائش گاہ ہی وہ جگہ ہے جہاں تقسیم کی سازش رچی گئی تھی۔جناح ہاؤس تقسیم کی علامت ہے اسکے ڈھانچے کو منہدم ہونا چاہیے۔منگل پربھات نے مزید کہاکہ پارلیمنٹ کی طرف سے دشمن پراپرٹی ایکٹ منظور ہونے کے بعد جناح ہاؤس بھارتی حکومت کی ملکیت تھا اس عمارت کو گرانا ہی واحد راستہ ہے ۔پی ڈبلیو ڈی عمارت کی دیکھ بھال اور بحالی کی ذمہ دار ہے اور اس پر لاکھوں روپے خرچ کیے جاچکے ہیں
