واشنگٹن(این این آئی)نومنتخب امریکی صدرڈونلڈ ٹرمپ کی صاحبزادی ایوانکا کو ایک عمومی پرواز کے دوران ہوائی جہاز میں ایک وکیل کی جانب سے سخت تنقید اور تند وتیز الزامات پر وکیل کو طیارے سے اتاردیاگیا مگر اس موقع پرایوانکا نے بڑی دانش مندی اور حوصلے کا مظاہرہ کرتے ہوئے وکیل کی تنقید اور بدکلامی پر کوئی جذبات رد عمل کے بجائے خاموشی اختیار کیے رکھی۔
عرب ٹی وی کے مطابق ایوانکاڈ ٹرمپ اور تین بچوں کے ہمراہ کرسمس کی چھٹیاں گذارنے پرواز سے نیویارک سے فلوریڈا ریاست کے بالم بیچ شہر جا رہے تھے۔ ہوائی جہاز میں سوار ہونے کے بعد جیسے مسافروں نے اپنی نشستیں سنبھالیں، ایوانکا اور دیگر افراد بھی بیٹھ گئے تو جذباتی اور غصے میں بپھرے وکیل ڈان گولڈچائن اپنی سیٹ سے اٹھ گئے۔
ناقد وکیل نے اپنی آواز مزید اونچی کی اور خاموشی توڑتے ہوئے دوبارہ استفسار کیا کہ ’آپ لوگوں نے خصوصی پرواز کے بجائے عام پرواز کیوں اختیار کی ہے؟ آپ ہمارے طیارے میں کیوں ہیں۔ مگر اس موقع پر بھی ایوانکا نے کوئی جواب نہیں دیا۔ وکیل کی تنقید کے دوران اپنے جذبات کو قابو میں رکھنے توجہ ہٹانے کے لیے ایوانکا اپنے بچے کے ساتھ کھیلتی رہیں۔
تاہم ہوائی جہاز اڑنے سے قبل عملے نے تنقید کرنے والے وکیل، اس کے ساتھی اور ایک بچے کو طیارے سے اتار دیا، تاکہ مزید کسی بدمزگی کا سامنا نہ کرنا پڑے۔گولڈچائن نے طیارے کے عملے سے کہا کہ آپ نے مجھے اس لیے طیارے سے اتار دیا کہ میں نے اپنی رائے کا حق استعمال کیا تھا۔

موضوعات:ایوانکا ٹرمپ