سعودی عرب کے خراب مالی حالات،حج و عمرہ بھی زِد میں آگیا،نئے فیصلے پر عملدرآمد شروعجدہ ( این این آئی)سعودی عرب نے حج اور عمرہ سمیت اپنے ملک میں آنے والے افراد کے لیے ویزہ فیسوں میں اضافے کا اطلاق کر دیا۔سعودی ولی عہد شہزادہ محمد بن نائف کی سربراہی میں قائم وزراکی کونسل نے اعلان کیا تھا کہ جو شخص دوسری بار حج کے لیے ویزے کا خواہشمند ہوگا اس سے 2 ہزار سعودی ریال لیے جائیں گے۔اس فیس کا اطلاق ان افراد پر بھی ہوگا جو دوسری بار عمرہ کرنے کے خواہشمند ہوں گے ۔تاہم پہلی دفعہ حج یا عمرہ کرنے پر ویزہ فیس نہیں لی جائے گی۔اسی طرح سعودی عرب میں ویسے ہی جانے کی صورت میں بھی ویزہ فیس کی مد میں دو ماہ کے ویزہ کی فیس میں 200 جبکہ تین ماہ کے ویزے کی فیس میں 300 ریال کا اضافہ کیا گیا ہے۔ان قیمتوں کا اطلاق آج 2 اکتوبر سے ہورہا ہے۔ویزہ فیسوں کی مد میں یہ اضافہ سعودی عرب کی جانب سے مالی خسارے کی وجہ سے کیا جارہا ہے جس میں تیل کی آمدنی میں کمی کے باعث اضافہ ہورہا ہے۔سعودی عرب 2020 ء تک مختلف مدوں میں ٹیکسوں کے ذریعے اضافی 100 ارب ڈالرز آمدنی حاصل کرنا چاہتی ہے۔سعودی حکومت نے چند روز پہلے کابینہ کے وزراء کی تنخواہوں میں 20 فیصد کمی اور دیگر مراعات میں بھی کٹوتی کا فیصلہ کیا تھا۔

موضوعات:سعودی عرب