اسلام آباد (مانیٹرنگ ڈیسک )جنوبی کوریا کی وزارت دفاع نے کہا ہے کہ شمالی کوریا کسی بھی وقت ایک اور جوہری دھماکہ کر سکتا ہے جو کہ اس کا چھٹا جوہری تجربہ ہو گا۔گزشتہ جمعے بھی شمالی کوریا نے کامیاب جوہری تجربے کا دعویٰ کرتے ہوئے کہا تھا کہ یہ پانچواں جوہری تجربہ ہے۔ادھر امریکہ اور جنوبی کوریا سمیت عالمی برادری اس وقت شمالی کوریا کے ان اقدامات کا موثر جواب دینے پر غور کر رہی ہے۔جنوبی کوریا کی وزارت دفا ع کے ترجمان کا کہنا ہے کہ شمالی کوریا کے جوہری دھماکے کی جائے وقوع پر ایک سرنگ ابھی استعمال نہیں ہوئی جس میں چھٹا دھماکہ کیا جا سکتا ہے۔شمالی کوریا کے حکام نے گزشتہ تجربے کے حوالے سے بات کرتے ہوئے بتا یا کہ یہ جوہری تجربہ ایک جدید اور حال ہی میں تیار کیے گئے جوہری وار ہیڈ کا تھا او ر اس نے اب بیلسٹک راکٹوں پر جوہری ہتھیار نصب کرنے کی صلاحیت حاصل کر لی ہے۔جنوبی کور یا کا خیال ہے کہ یہ شمالی کور یا کا اب تک کا سب سے بڑا جوہر ی تجربہ ہے اور جنوبی کور یا کی فوج کا کہنا ہے کہ اس حالیہ تجربے کی شدت دس کلو ٹن تھی جو کہ گزشتہ تجربوں سکے دوگنی ہے۔کوریا نے دعویٰ کیا ہے کہ اگلا ہونے والا ایٹمی دھماکہ تاریخ کا سب سے بڑا ایٹمی تجربہ ہوگا۔

موضوعات:شمالی کوریا